גֵּר־וְתוֹשָׁ֥ב אָנֹכִ֖י עִמָּכֶ֑ם
תְּנ֨וּ לִ֤י אֲחֻזַּת־קֶ֙בֶר֙ עִמָּכֶ֔ם
וְאֶקְבְּרָ֥ה מֵתִ֖י מִלְּפָנָֽי׃
הִנֵּ֞ה אֲשֶׁר־רָאִ֣יתִי אָ֗נִי ט֣וֹב אֲשֶׁר־יָפֶ֣ה
לֶֽאֶכוֹל־וְ֠לִשְׁתּוֹת וְלִרְא֨וֹת טוֹבָ֜ה
בְּכָל־עֲמָלֹ֣ו׀ שֶׁיַּעֲמֹ֣ל תַּֽחַת־הַשֶּׁ֗מֶשׁ
מִסְפַּ֧ר יְמֵי־חַיָּו אֲשֶׁר־נָֽתַן־ל֥וֹ הָאֱלֹהִ֖ים
כִּי־ה֥וּא חֶלְקֽוֹ׃
וּֽבְגַלְּחוֹ֮ אֶת־רֹאשׁוֹ֒
וְֽ֠הָיָה מִקֵּץ֙ יָמִ֤ים׀ לַיָּמִים֙ אֲשֶׁ֣ר יְגַלֵּ֔חַ
כִּֽי־כָבֵ֥ד עָלָ֖יו וְגִלְּח֑וֹ
וְשָׁקַל֙ אֶת־שְׂעַ֣ר רֹאשׁ֔וֹ
מָאתַ֥יִם שְׁקָלִ֖ים בְּאֶ֥בֶן הַמֶּֽלֶךְ׃
וָאֹמַ֣ר לַמֶּ֔לֶךְ
הַמֶּ֖לֶךְ לְעוֹלָ֣ם יִחְיֶ֑ה
מַדּ֜וּעַ לֹא־יֵרְע֣וּ פָנַ֗י
אֲשֶׁ֨ר
הָעִ֜יר בֵּית־קִבְר֤וֹת אֲבֹתַי֙ חֲרֵבָ֔ה
וּשְׁעָרֶ֖יהָ אֻכְּל֥וּ בָאֵֽשׁ׃ ס
י֧וֹם חֹ֣שֶׁךְ וַאֲפֵלָ֗ה
י֤וֹם עָנָן֙ וַעֲרָפֶ֔ל
כְּשַׁ֖חַר פָּרֻ֣שׂ עַל־הֶֽהָרִ֑ים
עַ֚ם רַ֣ב וְעָצ֔וּם
כָּמֹ֗הוּ לֹ֤א נִֽהְיָה֙ מִן־הָ֣עוֹלָ֔ם
וְאַֽחֲרָיו֙ לֹ֣א יוֹסֵ֔ף
עַד־שְׁנֵ֖י דּ֥וֹר וָדֽוֹר׃
וַיּוֹצִאֵנִי֮ דֶּֽרֶךְ־שַׁ֣עַר צָפוֹנָה֒
וַיְסִבֵּ֙נִי֙ דֶּ֣רֶךְ ח֔וּץ אֶל־שַׁ֣עַר הַח֔וּץ
דֶּ֖רֶךְ הַפּוֹנֶ֣ה קָדִ֑ים
וְהִנֵּה־מַ֣יִם מְפַכִּ֔ים
מִן־הַכָּתֵ֖ף הַיְמָנִֽית׃
וְאַתֶּ֕ם חֲשַׁבְתֶּ֥ם עָלַ֖י רָעָ֑ה
אֱלֹהִים֙ חֲשָׁבָ֣הּ לְטֹבָ֔ה
לְמַ֗עַן עֲשֹׂ֛ה כַּיּ֥וֹם הַזֶּ֖ה לְהַחֲיֹ֥ת עַם־רָֽב׃
כֹּ֣ה׀ אָמַ֣ר יְהוָ֗ה
אָר֤וּר הַגֶּ֙בֶר֙ אֲשֶׁ֣ר
יִבְטַ֣ח בָּֽאָדָ֔ם
וְשָׂ֥ם בָּשָׂ֖ר זְרֹע֑וֹ
וּמִן־יְהוָ֖ה יָס֥וּר לִבּֽוֹ׃
כֹּ֣ה׀ אָמַ֣ר יְהוָ֗ה
אָר֤וּר הַגֶּ֙בֶר֙ אֲשֶׁ֣ר
יִבְטַ֣ח בָּֽאָדָ֔ם
וְשָׂ֥ם בָּשָׂ֖ר זְרֹע֑וֹ
וּמִן־יְהוָ֖ה יָס֥וּר לִבּֽוֹ׃
וַיֹּ֤אמֶר יְהוָה֙ אֶל־גִּדְע֔וֹן
רַ֗ב הָעָם֙ אֲשֶׁ֣ר אִתָּ֔ךְ
מִתִּתִּ֥י אֶת־מִדְיָ֖ן בְּיָדָ֑ם
פֶּן־יִתְפָּאֵ֨ר עָלַ֤י יִשְׂרָאֵל֙
לֵאמֹ֔ר יָדִ֖י הוֹשִׁ֥יעָה לִּֽי׃
וַתֵּ֤רֶד בַּת־פַּרְעֹה֙ לִרְחֹ֣ץ עַל־הַיְאֹ֔ר
וְנַעֲרֹתֶ֥יהָ הֹלְכֹ֖ת עַל־יַ֣ד הַיְאֹ֑ר
וַתֵּ֤רֶא אֶת־הַתֵּבָה֙ בְּת֣וֹךְ הַסּ֔וּף
וַתִּשְׁלַ֥ח אֶת־אֲמָתָ֖הּ וַתִּקָּחֶֽהָ׃
כִּ֤י כְהַר־פְּרָצִים֙ יָק֣וּם יְהוָ֔ה
כְּעֵ֖מֶק בְּגִבְע֣וֹן יִרְגָּ֑ז
לַעֲשׂ֤וֹת מַעֲשֵׂ֙הוּ֙ זָ֣ר מַעֲשֵׂ֔הוּ
וְלַֽעֲבֹד֙ עֲבֹ֣דָת֔וֹ נָכְרִיָּ֖ה עֲבֹדָתֽוֹ׃
וַיִּקַּ֣ח אֶת־עֲטֶֽרֶת־מַלְכָּם֩ מֵעַ֨ל רֹאשׁ֜וֹ
וּמִשְׁקָלָ֨הּ כִּכַּ֤ר זָהָב֙ וְאֶ֣בֶן יְקָרָ֔ה
וַתְּהִ֖י עַל־רֹ֣אשׁ דָּוִ֑ד
וּשְׁלַ֥ל הָעִ֛יר הוֹצִ֖יא
הַרְבֵּ֥ה מְאֹֽד׃
תִּקְע֨וּ שׁוֹפָ֜ר בְּצִיּ֗וֹן
וְהָרִ֙יעוּ֙ בְּהַ֣ר קָדְשִׁ֔י
יִרְגְּז֕וּ כֹּ֖ל יֹשְׁבֵ֣י הָאָ֑רֶץ
כִּֽי־בָ֥א יוֹם־יְהוָ֖ה
כִּ֥י קָרֽוֹב׃
אֲֽנִי־אָ֭מַרְתִּי
יְהוָ֣ה חָנֵּ֑נִי
רְפָאָ֥ה נַ֝פְשִׁ֗י
כִּי־חָטָ֥אתִי
לָֽךְ׃
הֶֽחָכָ֗ם יַעֲנֶ֥ה דַֽעַת־ר֑וּחַ
וִֽימַלֵּ֖א קָדִ֣ים בִּטְנֽוֹ׃
לֹ֥א תִשָּׂ֖א שֵׁ֣מַע שָׁ֑וְא
אַל־תָּ֤שֶׁת יָֽדְךָ֙ עִם־רָשָׁ֔ע
לִהְיֹ֖ת עֵ֥ד חָמָֽס׃
וַיֹּ֨אמֶר דָּוִ֤יד אֶל־יוֹאָב֙ וְאֶל־שָׂרֵ֣י הָעָ֔ם
לְכ֗וּ סִפְרוּ֙ אֶת־יִשְׂרָאֵ֔ל מִבְּאֵ֥ר שֶׁ֖בַע וְעַד־דָּ֑ן
וְהָבִ֣יאוּ אֵלַ֔י וְאֵדְעָ֖ה אֶת־מִסְפָּרָֽם׃
שִׁמְע֥וּ אֵלַ֛י רֹ֥דְפֵי צֶ֖דֶק
מְבַקְשֵׁ֣י יְהוָ֑ה הַבִּ֙יטוּ֙
אֶל־צ֣וּר חֻצַּבְתֶּ֔ם
וְאֶל־מַקֶּ֥בֶת בּ֖וֹר נֻקַּרְתֶּֽם׃
וְשָׁפַכְתִּי֩ עַל־בֵּ֨ית דָּוִ֜יד
וְעַ֣ל׀ יוֹשֵׁ֣ב יְרוּשָׁלִַ֗ם
ר֤וּחַ חֵן֙ וְתַ֣חֲנוּנִ֔ים
וְהִבִּ֥יטוּ אֵלַ֖י
אֵ֣ת אֲשֶׁר־דָּקָ֑רוּ
וְסָפְד֣וּ עָלָ֗יו כְּמִסְפֵּד֙ עַל־הַיָּחִ֔יד
וְהָמֵ֥ר עָלָ֖יו כְּהָמֵ֥ר עַֽל־הַבְּכֽוֹר׃
