וַיֹּ֤אמֶר אֵלָיו֙
לֹא־לִבִּ֣י הָלַ֔ךְ
כַּאֲשֶׁ֧ר הָֽפַךְ־אִ֛ישׁ מֵעַ֥ל מֶרְכַּבְתּ֖וֹ לִקְרָאתֶ֑ךָ
הַעֵ֞ת לָקַ֤חַת אֶת־הַכֶּ֙סֶף֙ וְלָקַ֣חַת בְּגָדִ֔ים
וְזֵיתִ֤ים וּכְרָמִים֙ וְצֹ֣אן וּבָקָ֔ר וַעֲבָדִ֖ים וּשְׁפָחֽוֹת׃
וַיְהִ֣י׀ כִּקְר֣וֹא יְהוּדִ֗י שָׁלֹ֣שׁ דְּלָתוֹת֮ וְאַרְבָּעָה֒
יִֽקְרָעֶ֙הָ֙ בְּתַ֣עַר הַסֹּפֵ֔ר
וְהַשְׁלֵ֕ךְ אֶל־הָאֵ֖שׁ אֲשֶׁ֣ר אֶל־הָאָ֑ח
עַד־תֹּם֙ כָּל־הַמְּגִלָּ֔ה עַל־הָאֵ֖שׁ אֲשֶׁ֥ר עַל־הָאָֽח׃
נֹטֶ֣ה שָׁמַ֣יִם לְבַדּ֑וֹ
וְ֝דוֹרֵ֗ךְ עַל־בָּ֥מֳתֵי יָֽם׃
וַיָּבֹ֖א
וַיֹּ֣אכַל וַיֵּ֑שְׁתְּ
וַיֹּ֗אמֶר
פִּקְדוּ־נָ֞א
אֶת־הָאֲרוּרָ֤ה הַזֹּאת֙
וְקִבְר֔וּהָ
כִּ֥י בַת־מֶ֖לֶךְ הִֽיא׃
וַיֹּ֧אמֶר ל֣וֹ אַבְנֵ֗ר
נְטֵ֤ה לְךָ֙
עַל־יְמִֽינְךָ֙ א֣וֹ עַל־שְׂמֹאלֶ֔ךָ
וֶאֱחֹ֣ז לְךָ֗ אֶחָד֙ מֵֽהַנְּעָרִ֔ים
וְקַח־לְךָ֖ אֶת־חֲלִצָת֑וֹ
וְלֹֽא־אָבָ֣ה עֲשָׂהאֵ֔ל
לָס֖וּר מֵאַחֲרָֽיו׃
וַיָּבֹ֖אוּ עַד־גֹּ֣רֶן נָכ֑וֹן
וַיִּשְׁלַ֨ח עֻזָּ֜א אֶל־אֲר֤וֹן הָֽאֱלֹהִים֙
וַיֹּ֣אחֶז בּ֔וֹ כִּ֥י שָׁמְט֖וּ הַבָּקָֽר׃
וַיַּעַמְד֣וּ הַכֹּהֲנִ֡ים
נֹ֠שְׂאֵי הָאָר֨וֹן בְּרִית־יְהוָ֜ה
בֶּחָֽרָבָ֛ה בְּת֥וֹךְ הַיַּרְדֵּ֖ן הָכֵ֑ן
וְכָל־יִשְׂרָאֵ֗ל עֹֽבְרִים֙ בֶּחָ֣רָבָ֔ה
עַ֤ד אֲשֶׁר־תַּ֙מּוּ֙ כָּל־הַגּ֔וֹי
לַעֲבֹ֖ר אֶת־הַיַּרְדֵּֽן׃
וְהָיָ֡ה אִם־לֹ֣א יַאֲמִ֡ינוּ גַּם֩ לִשְׁנֵ֨י הָאֹת֜וֹת הָאֵ֗לֶּה
וְלֹ֤א יִשְׁמְעוּן֙ לְקֹלֶ֔ךָ
וְלָקַחְתָּ֙ מִמֵּימֵ֣י הַיְאֹ֔ר
וְשָׁפַכְתָּ֖ הַיַּבָּשָׁ֑ה
וְהָי֤וּ הַמַּ֙יִם֙ אֲשֶׁ֣ר תִּקַּ֣ח מִן־הַיְאֹ֔ר
וְהָי֥וּ לְדָ֖ם בַּיַּבָּֽשֶׁת׃
יְהוִ֤ה אֲדֹנָי֙ חֵילִ֔י
וַיָּ֤שֶׂם רַגְלַי֙
כָּֽאַיָּל֔וֹת
וְעַ֥ל בָּמוֹתַ֖י
יַדְרִכֵ֑נִי
לַמְנַצֵּ֖חַ בִּנְגִינוֹתָֽי׃
נְגַֽשְׁשָׁ֤ה כַֽעִוְרִים֙ קִ֔יר
וּכְאֵ֥ין עֵינַ֖יִם נְגַשֵּׁ֑שָׁה
כָּשַׁ֤לְנוּ בַֽצָּהֳרַ֙יִם֙ כַּנֶּ֔שֶׁף
בָּאַשְׁמַנִּ֖ים
כַּמֵּתִֽים׃
וְעַתָּ֣ה׀ לְכ֣וּ וְנַֽהַרְגֵ֗הוּ
וְנַשְׁלִכֵ֙הוּ֙ בְּאַחַ֣ד הַבֹּר֔וֹת
וְאָמַ֕רְנוּ
חַיָּ֥ה רָעָ֖ה
אֲכָלָ֑תְהוּ
וְנִרְאֶ֕ה מַה־יִּהְי֖וּ חֲלֹמֹתָֽיו׃
וְאֵת֙ הַכֶּ֣בֶשׂ הַשֵּׁנִ֔י
תַּעֲשֶׂ֖ה בֵּ֣ין הָעַרְבָּ֑יִם
כְּמִנְחַ֨ת הַבֹּ֤קֶר
וּכְנִסְכָּהּ֙ תַּֽעֲשֶׂה־לָּ֔הּ
לְרֵ֣יחַ נִיחֹ֔חַ
אִשֶּׁ֖ה לַיהוָֽה׃
כִּ֤י מִירֽוּשָׁלִַ֙ם֙ תֵּצֵ֣א שְׁאֵרִ֔ית
וּפְלֵיטָ֖ה מֵהַ֣ר צִיּ֑וֹן
קִנְאַ֛ת יְהוָ֥ה צְבָא֖וֹת תַּֽעֲשֶׂה־זֹּֽאת׃ ס
כִּ֛י כֹּ֥ה אָמַ֖ר אֲדֹנָ֣י יְהוִ֑ה
מִקֵּ֞ץ אַרְבָּעִ֤ים שָׁנָה֙
אֲקַבֵּ֣ץ אֶת־מִצְרַ֔יִם מִן־הָעַמִּ֖ים אֲשֶׁר־נָפֹ֥צוּ שָֽׁמָּה׃
גֵּר־וְתוֹשָׁ֥ב אָנֹכִ֖י עִמָּכֶ֑ם
תְּנ֨וּ לִ֤י אֲחֻזַּת־קֶ֙בֶר֙ עִמָּכֶ֔ם
וְאֶקְבְּרָ֥ה מֵתִ֖י מִלְּפָנָֽי׃
הִנֵּ֞ה אֲשֶׁר־רָאִ֣יתִי אָ֗נִי ט֣וֹב אֲשֶׁר־יָפֶ֣ה
לֶֽאֶכוֹל־וְ֠לִשְׁתּוֹת וְלִרְא֨וֹת טוֹבָ֜ה
בְּכָל־עֲמָלֹ֣ו׀ שֶׁיַּעֲמֹ֣ל תַּֽחַת־הַשֶּׁ֗מֶשׁ
מִסְפַּ֧ר יְמֵי־חַיָּו אֲשֶׁר־נָֽתַן־ל֥וֹ הָאֱלֹהִ֖ים
כִּי־ה֥וּא חֶלְקֽוֹ׃
וּֽבְגַלְּחוֹ֮ אֶת־רֹאשׁוֹ֒
וְֽ֠הָיָה מִקֵּץ֙ יָמִ֤ים׀ לַיָּמִים֙ אֲשֶׁ֣ר יְגַלֵּ֔חַ
כִּֽי־כָבֵ֥ד עָלָ֖יו וְגִלְּח֑וֹ
וְשָׁקַל֙ אֶת־שְׂעַ֣ר רֹאשׁ֔וֹ
מָאתַ֥יִם שְׁקָלִ֖ים בְּאֶ֥בֶן הַמֶּֽלֶךְ׃
וָאֹמַ֣ר לַמֶּ֔לֶךְ
הַמֶּ֖לֶךְ לְעוֹלָ֣ם יִחְיֶ֑ה
מַדּ֜וּעַ לֹא־יֵרְע֣וּ פָנַ֗י
אֲשֶׁ֨ר
הָעִ֜יר בֵּית־קִבְר֤וֹת אֲבֹתַי֙ חֲרֵבָ֔ה
וּשְׁעָרֶ֖יהָ אֻכְּל֥וּ בָאֵֽשׁ׃ ס
י֧וֹם חֹ֣שֶׁךְ וַאֲפֵלָ֗ה
י֤וֹם עָנָן֙ וַעֲרָפֶ֔ל
כְּשַׁ֖חַר פָּרֻ֣שׂ עַל־הֶֽהָרִ֑ים
עַ֚ם רַ֣ב וְעָצ֔וּם
כָּמֹ֗הוּ לֹ֤א נִֽהְיָה֙ מִן־הָ֣עוֹלָ֔ם
וְאַֽחֲרָיו֙ לֹ֣א יוֹסֵ֔ף
עַד־שְׁנֵ֖י דּ֥וֹר וָדֽוֹר׃
וַיּוֹצִאֵנִי֮ דֶּֽרֶךְ־שַׁ֣עַר צָפוֹנָה֒
וַיְסִבֵּ֙נִי֙ דֶּ֣רֶךְ ח֔וּץ אֶל־שַׁ֣עַר הַח֔וּץ
דֶּ֖רֶךְ הַפּוֹנֶ֣ה קָדִ֑ים
וְהִנֵּה־מַ֣יִם מְפַכִּ֔ים
מִן־הַכָּתֵ֖ף הַיְמָנִֽית׃
